Amotinamientu junker

El Amotinamientu junker foi un llevantamientu fallíu de ciertos cadetes (junker, lleíu 'yúnker') de Petrográu el 29 de ochobrexul/ 11 de payares de 1917greg contra'l nuevu Gobiernu bolxevique (Conseyu de Comisarios del Pueblu) surdíu del Segundu Congresu Nacional de los Soviets. L'alzamientu foi preparáu pol comité central del Partíu Social-Revolucionariu (PSR) y sofitáu pol Comité pa la Salvación de la Patria. Debilitaes les fuercies bolxeviques pol ataque de Kérenski contra Petrográu, qu'obligó a los bolxeviques a unviar a les sos meyores unidaes al sur de la capital, los confabulados consiguieron tomar nun primer momentu'l control de ciertos puntos estratéxicos. Incapaces de llograr el sofitu de los reximientos cosacos de la capital, quedaron llueu sitiaos en diversos edificios que les fuercies lleales al Gobiernu bolxeviques acabaron per tomar.